امریکایی میډیا
بډو خان د نیویارک په کوڅو کې چکر واهه. ګوری چې یو کوټه او وحشی سپی د کومی ماشومی انجلۍ پسی دی. سپی پر انجلۍ حمله کړه. بډو خان ور منډه کړه او د سپی سره په جګړه شو. په یوه غټ لرګی یې سپی پر سر وواهه او انجلۍ یې وژغورل.
له هاخوا د انجلۍ مور په منډه راغله او بډوخان ته یې وویل:
- ډیره مننه چې زما ماشوم دی وژغوری. په ریشتیا چې ته نامی یې. سبا به ټول اخبار او مجلی ستا په هکله خبری وکړی. د اخبارو عنواین به وی. ْ د نیویارک یو بهادر اوسیدونکی د یوه ماشوم ځان له وحشی سپی څخه وژغوری! ْ
بډو خان ورته وویل:
- زه د نیو یارک اوسیدونکی نه یم.
د ماشومی مور وویل:
- ښه، نو بیا به په اخبار کې داسی ولیکل شی چې: یو بهادر امریکایی د یوه ماشوم ځان له وحشی سپی څخه وژغوری!
- زه امریکایی هم نه یم.
- نو، ته له کوم ځای یې؟
- زه د افغانستان یم.
په سبا یې بډو خان د اخبار عنوانونه وینی چې پکی لیکلی:
یوه بنسټ پاله افغان یو امرکایی سپی وواژه!
