د بډو خان خر ورک شو. بیچاره بی وزله وو او همدا یو خر یې د کر تر ځای د ټرانسپورټ وسیله وه. خر یې ورباندی ډیر زیات ګران وو، نو ځکه یې پایڅی بر و وهلی او د خره په لټه روان شو.
ځنګل، دښت، بڼونه او کښتونه ټول یې ولټول خو خر یې و نه موند.
یوه انډیوال یې ورته وویل:
بډو خانه، دا ځایونه چې ته د خپل خره د موندلو لپاره لټوی مناسب ځایونه ندی. ښار ته لاړشه او د هغه ځای دیوالونه ولټوه. کیدای شی چې ځان یې د ولسمشرۍ لپاره کاندید کړی وی او پوسټر یې پر کوم دیوال وی.